أحلامي العزيزة من فضلك هلا استوبيتي

السلام عليكم ورحمة الله وبركاته.

صبـــــآآأأإإح../..مســـــآآأأإإء

الخيــــــر.و.الــــرضــآ.و.الســـــرور

...........

شلونكم وشخباركم آل تعب؟

<<بالرغم من ان محد يرد على السلام او هالسؤالين الا اني فتاة تأبى الا القيام بالواجب

هههههه مره مايمديكم على الجمله

الموهيم^_^ ندخل بالموضوع

............................

انا نسناس..عمري 17 سنه احب اقولكم

.................................................. .............

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآ

<<نبدا نشرح اسباب الصرخه

كان يعلمنا عن نفسه ولكن فجاه طب على راسه قرد موحش الشكل

فصار يركض يركض يركض يركض

وفجــآه طــآح بحفره..........طآلع حوله مالقى شي كله ظلام

حاول يحصل ادمي غيره ولكن مابوه غيره....وشوي شوي

ماحس الا بان الحفره بدت تظلم اكثر فاكثر



رفع راسه فوق لقى الحفره تبي تتقفل بحجر

وصار المـآء يخرج من كل مكان بالحفره وهو يصارخ يصارخ يصارخ اليييييييين وصل للحجر

فكر بانه لو غطس دور مخرج راح يقدر يتحرر ولكن لامفر لان الما من تحته صار كله

صبه

وظل الماء يزيد ويزيد ويزيد الييييييييييييييييييييييييين من قوة الضغط من فوق وتحت

انفجر راسه وراحت كل خليه بروحها..

قام نسناس مفجوع من الكابوس اللي حاشه

لمس اول شي راسه وتحمد الله ع السلامه

ثم جاه نعاس فضيع ورجع حط راسه ودايركشن نآآآآآآم.

ولكن صحاه صوت انفجــآر فضيع

لف راسه ورى وتشنج من الخوف لما شاف بركان ثاير

وصار يركض زي المجنون ويركض ويركض<<حنيت عليه الوقت كله وهو يركض

المهم ويركض اليييييين رجع المكان اللي بدا منه وعرف انه بجزيره مابها مخلوق غيره

ولكن فاجأه صوت كان جاي من بين الشجر وكان صوت لبنت هو حس بالذنب انه ينحاش من هالبركان الفضيع

ويترك وراه مخلوق ركيك<<وانشششهد بس محيرني اشلون سمع صوتها..هههه المهم ماعلينا نوكمل

راح ولقى البنت هذي كانت تصيح صياح يقطع القلب شاف شعرها الحريري وقرب منها

واول ماصار قدامها وخر يدها من على وجهها ولكن كانت الفاجعه

طلعت له بنت اشبه بالكابوس الفضيع اللي عايشه بل اشد









نعم انها (عبله)^_^<<ههههههه بسم الله علينا

مسكته من رقبته وغمض وفتح وشاف انه صار فوق فوهة البركان صار يحارب ويجاهد

على سبيل تخليه ولكن (عبله) ماخلته ولكنها قوة قبضتها على رقبته اليييييييين طلعت عيونه من راسه

ثم رمته بالبركان................

فز اخونا في الله نسناس من نومه للمره الثانيه وحس انه بيموت رعب

جسمه صار عرقان من الخوف اللي عايشه ضم نفسه لصدره<<

وتغطى باللحاف وصار يرجف رعب .... سمع صوت ينوح بغرفته استغرب هو متاكد انه صاحي

رفع عنه البطانيه ثم طالع بغرفته وصار وجهه ماله تفسير من الرعب

شاف يد مبتوره تدخل وتطلع من الجدار

ومره تدخل وفيها دم ومره تدخل وهي موجوده مش مبتوره وبها شي يخوف

غطى على وجهه وصرخ صرررخخخخه هزت ارجاء المنزل

فتح عينه وهو مفجوعِ بالحيييييل طالع من حوله يلمس عمره يسطر نفسه يبي يتاكد هو بحلم والا علم

وارتاح لما عرف انه بالواقع ولكنه باقي يرجف وشفته تتصافق ببعض من الرعب

والمشكله هو باقي يحس بانه يبي ينام مابعد شبع نوم<<انا لو مكانه ماعاد يطب عيني النوم

حط راسه وهو يجاهد نفسه مايبي ينام ولكن بسرعه دخل بالحلم الجديد

شاف من حوله كانت استراحه وشكلها مرتب ومره كول

شاف اخوياه قدامه وحس بواحد من اخوياه يضمه من وراه على سبيل انه يفاجأه وجا قدامه

يقول له ان هالمكان مكتوب باسمه وراح معه لمكان تجمع اخوياه الباقين

واول ماوصل فتحو هذي



<<لزوم نفرحه شوي بعد هالكابوس

وتصفير وتصفيق شاف الكيكه اللي ع الطاوله ومكتوبن فيها(نسناس)

وبوه حتسي تحته جا يبي يشوفه ولكن سرعان ماتششتت الصوره بعقله واختفى الحلم

وصار كل شي اسود والشي الوحيد اللي يحس بوه هو يدين امه تهزه عشان يقوم

فتح عيونه لقى امه تصحيه

(نسناس ياممال الكوابيس قوم صايرين بالظهر وانت مابعد صحيت للمدرسه)
........................
بخصوص نسناس هذي الحركه كثييييير تصير معنا

الكوابيس محد يصحيك منها اما الاحلام تلاقي الكل واقفن لك بالمرصاد

وياتقوم يايخربون حلمك كل ابوه

وبخصوص الموضوع (استوبيتي)<<هالكلمه كثير اسمعها من البنات ولكن سؤال

ليه نغيرها من(Stop) الى (S6op)

كنتم مع احلام الطفل نسناس واحب اشكره على مجهوده واقوله
اسفه ي نسناس تعبناك معنا واجهدناك بالكوابيس
وشكرا^_^
........................
سالفه/~

البنات لما يجون يسولفون وش اول شي يقولونه؟

(المهم)........................وش قلتي من الاول حبيبتي؟.

بعد المهم يجينا

(تخيلن)........................غمض عيونك ـ_ـ<<تتخيل

بعد تخيلن وبداية اول سطر من السالفه يجينا

(تصدقن)......................ايه اصدق حبيبتي

بعد تصدقن والسالفه اللي تبي نصدقها يجينا

(المهم)

بعد المهم اللي للمره المليون يجينا

(ولا وازيدكن من الشعر بيت)...........زيدي الساحه ساحتتس والحتسي منتس

بعد ولا وازيدكن من الشعر بيت يجينا

(تعرفن وش صار لي بعدين؟)..............لا والله مابعد عرفنا قولي

وفجاه تتطب وحده من الشله كانت مشغوله وش يصيير؟؟

(والله ان تعيدي السالفه من الاول انا ماسمعت)

وتنعاد الرحله من اول

فيا الله كم نحن رائعون

شف نص ساعه نقول سالفه والسالفه مهيب سالفه وحده لا لها عدة اجزاء ولاطبت وحده ماسمعت شي

تتعنى هالبنت اللي تهذر وتعيد السالفه من اول

سؤالي لتس ايتها البنت الرائعه..

(متى تفضى البطاريه؟)<<<<<<ماشاء الله تبارك الله

تف تف تف ع الطاقه الشمسيه والقمريه ثم تبدى البطاريه تشتغل لاراحت هالمصادر
..................
لحظة ترتيب.!

بكل اختباراتي ولما اوقف عند سؤال ومنيب عارفه حله

تجيني حاله من النظام فاقوم اطالع الورقه كلها وبين كل جمله وجمله

احط فاصله(,)
وبنهاية كل جمله احط نقطه (.)على اساس منظمه
.................
عزيزتي البنت^_^

بخصوص انتس لاجيتي من المدرسه تدفين الباب بيدينتس الثنتين

وكانتس تبين تكسرين الباب المسكين

وين داخلين ي بابا؟؟<<يقولون كلن يشوف الناس بعين طبعه


يعني عاتي لحد يعلق هالكلام لي انا بس هع
...................

اليوم بحصة الانقلش كنت اتابع مع الابله المحادثه اللي بالدرس

بعد م خلصنا وخلاص جلست الابله قمت لفيت ع البنات وقلت بناااااااااات تعرفون علان؟

طالعوني::؟؟؟؟؟؟؟؟؟؟؟؟؟؟؟؟

قلت ي غبيون فلان وعلان الاثنين اللي حيروا العالم ومالهم وجود

فهموا وقالوا:اييوواااا وش فيه وينه فيه؟<<دلخات

فطست ضحك وقلت انا شفت علان شوفوه بالمحادثه وصورته فوق واحد امريكي

والله ويفتحن الكتاب ويطالعون فيه ونتسدح من الضحك

قامت اللي قربي تطالعني بنص عين وتقول هذا علان والا الين؟

الشاهد من الموضوع انه انا اتفشلت وقلت لها اسكتي الين ماينكتب تسذا

(Alan)<<هذا اللي مكتوب والين تكتب هيكا(Allen)<<لحد يدقق مره ترى ماعندي سالفه بالعنقليزي

قالت ايه هين وبدوا يعلقن علي

المهم اللي يبي يشوفه تلاقونه بكتاب ثالث ثانوي بالمحادثه حق الوحده الخامسه<<الشارع الاول ع اليمين<<ادري سامجه

.....................

هههه ادري طولت بالهذره بس مالكم الا تصبرون

شفتوا البزارين<<لا ماشفناهم

المهم عيال خالاتي لاجوا ينامون يفصخون الملابس ويخلون الملابس الداخليه

وينامووووون خاصه بالصيف اجلس اطالعهم وودي لو (يعود الشباب يوما)

ههههههه امزح امزح اقصد يعود الزمان يوما واسوي مثلهم

انعن اوم الفله قسسسم

.......................

من دقايق جات خالتي تدخن البيت

وانا اطالعها قالت امي لاا لاا لاا هذا من بؤ بؤ بؤ<<تبي تقول بخور ومره مستعجله تبي تهرج

ههه انا فطست ضحك وقلت بؤ بؤ بؤ لا خشم وش بؤ؟

وضحك الجميع وجاني تسف بنص الجبهه<<طبعا هو مش تسف حقيقي

لا بس نظرات امي من اشوفها يدب الرعب في عروقي خاصه لو كنت اتسمج وهي واصله معها

المهم طلعنا منها بالسلامه

ويادار مادخلك شر

........................
لحظة بر^_^

انا كثيير مرات تجيني حاله منعونة ام مادري وش تتسمى

بس على ماقالت خاللتي تجيتس حالات من بر ولطف غريب

فتبوسين أي احد

المهم قلت توكي^_^<<تركي اخوي<<ذبحتينا ترى درينا من زمان

قال بغير نفس وخري عني

بس انا ماوخرت ورحت لمه وبست راسه

هههههههه والله لاول مره اشوفخ مستحي هالكثر قسمن طلعت عنه وكنت واقفه بالممر اللي بين الغرف

واضحك عليه من قلب وهو مسكين مايشوفني بس انه كان حاط ايده على فمه ووجهه اححمممممممررر

طلعت وانا ميته ضحك<<اهم شي ميته

رحت لخالتي وقلت خالووه

قالت وخري عني لاتبوسيني باصكتس تسف^_^<<اصلا عادي

طالعتها وقلت مابي ابوس اصلا .. قالت اشوى

عصبت وقلت والله ما ابوستس مالت بس

ومسكت ولدها الكبير<<عمره4سنوات

وبست راسه ضحك رحت لولدها الصغير وهذا يخاااف مني بالحيل

بست خده وجتني منه كفووووووووف ههههه وقلت توبه ما اقرب منك ابد بعد اليوم

بس عادي والله

........................

واخيرا وليس اخرا

تصدقون وش ازين شي يصير لي لما اكتب موزوع تافه او سامج او حتى مالامه داعي؟

لما اتخيل اشكالكم وانتوا مبتسمين ع السماجه<<دققوا عدل قلت ابتسامه مش ضحك

يعني كذا احس بحماس واقوم اكتب اكتب اكتب اليييين اكرهني

وعاد اللي يدخل بليز يكتب تعليق حتى لو(جزاك الله خير)

ترى مابوه شي ببلاش هالايام<<خلاص مايمديكم تطلعون الحين ههههه يلا اكتبوا

ونقول لكم..

لنا لقاء في يوم اخر وموعد اخر وموضوع اخر

وعلى خير يابشر نلقاكم

في امان الله
................