السلام عليكم ورحمة الله وبركاته
مســــــآآء/صبــــــــآآح
الخيـــــر.و.الرضـــــآ.و.الســــــرور
.................
خميسكم وناسه
وش ازين من الخميس اللي تقضيه بالبيت وعندك دلة قهوه وحلى وبسكوت وكيك
<<مافي ازين منه
المهم ماعلينا بوه سوالف وهذره براسي هـ(اااااااااااااااااااااااااا)لكثر
ونقول بسم الله
...................
البنت الولد/~
معنا بنت في الباص مهايطيهمره من المرات
قالت لنا انتوا ماتعرفوني
انا اصلا منيب بنت انا ولد قلت لها اماا قالت قسم بالله
قلتلها من جد؟؟ قالت تفكريني امزح؟؟
نطت خويتي هنو من وراي وقالت وش تقول؟؟؟؟؟
قلت لها تقول انها ولد مهيب بنتخويتي هنو تشنجت من الخوف
لانها صدقتها<<مادري شلون عايشه
وقامت لفت الطرحه على راسها وهجدت مكانها لانها مرعوبه منها
المهم بيوم الاربعاء بوقت الصرفه كان الباص هاجد على غير العاده
وكانت البنت الولد جالسه قرب هنو بس بينهم بنت
وهنو شوي وتصيح وتقول فججر وتهز فيني من وراي وانا اقول هاااه تقول تعالي يمي تكفين
طالعتها اول ماشفت نظرات (سمير/ـه) لهنو فطست ضحك
نطت جوجو وقالت هييي انتي الا هنو وخري عنها
قالت سميره لجوجو وانتي وش لتس مالتس شغل بيننا
جوجو ولعت وقامت تهاوش..........المهم اتشابكوا بالايادي وهنو شوي وتصيح
بعد فتره زاد فيها الوضع عن حده
قالت هنو بصوت عااااالي(المراه السعوديه اقوى من الرجل السعودي)ونطت على سميره
ومسكتها بكشتها وكانت تهزها هز والدموع بعيونها ههههه وانا هنا ماقدرت امسك نفسي
وتسدحت من الضحك لان اشكالهم غبيه وتافهه وعلى نهاية الدوام بعد فيهم رواقه عجيبه
بعد هالحركه من هنو الخوافه هدا الوضع بينهم قامت سميره حطت ايدها على كتف جوجو
قالت جوجو ببروووووووووووووووووووود
...وخري يدك الوصخه عني
قالت هذيك بابرد من جوجو..يديني انظف من وجهك
قالت جوجو بنفس البرود:لااااه
ردت عليها :واالله
قالت جوجو:تافهه
قالت لها سميره:حتى جزمتي انظف من وجهك
قالت جوجو:احلفي"ووخرت يد البنت عنها"
وانا اشوف بس تعابير الوجه ومتسدحه ضحك وهنو ماسكه بطرحتي من وراي شوي وتخنقني
بعدها نزلت جوجو وخلت الباب مفتوح قالت الباب يقفلونه الخدم اللي مثلك وانتي ي هنو لاسوت لتس شي علميني
قالت هنو:متى اعلمتس ي حسره بعد م يذبحني
قالت سميره عناد ماراح اقفله
وكملنا طريقنا والباب مفتوح
بعد فتره تقففل عشان السياره مشت بسرعه ثم وقفت
وجيت ابنزل وقلت لهنو واااااااو ي ويلتس الحين ماكو غيركم
قالت لاااا تكفيين انطمي او اجلسي معي
طالعت بسميره وقلت لها اسمع ي انت لو تلمس شعره من راس هنو نهايتك على يدي<<قويه صح؟
المهم انها ماسوت لها شي
..............
البنت هذي ماندري وش سالفتها مرات تقول انها ولد ومرات تقول انها بنت
المهم انها ادميه وحنا عارفين انها بنت
....................
الاسماء
كثيييييير مرات تمر علي هالحاله
مرات لما اجي اقرا روايه ويعجبني فيها اسم وتعجبني شخصية صاحب هالاسم
وانوي اني اخلي اي وحده من خالاتي تسمي به
اشوف واحد او وحده بنفس هالاسم وهالشخص اعرفه وطباعه مهيب زينه
اقوم اكره الاسم هذا واكره الشخصيه واكره كل ابو شي فيه<<لحسة مخ
اللي فهم يرفع يده
......................
مره من المراير كان انا ومرة خالي جالسين بالحوش
والسما كانت كلها غيوم وبوه من بين الغيوم فراغ باين منها السما
قلت لها خالوه قالت هلا
قلت لها تخيلي الحين يطيح من هالفراغ ادمي
قالت واااااو ومن وين بيجي؟<<
قلت لها بيجي من فوق
قالت ههههه يمشي ع السحب ثم يطيح
قلت السحب ماينمشى عليها
قالت انتي قلتي تخيلي وهذاني اتخيل
قلت طيب طاح من الطياره او شي
قالت وخري بس هناك تبيني اتجنن؟؟
وقامت عني
.......
بخصوص الطياره مرات كثيييييييييره لاكنت جالسه بالحوش
وبوه طياره فوق هههه اقوم من مكاني واروح مكان ما ابين فيه
على بالي يشوفوني<<كذا الاحتشام والا فلا
................
بايام الشتاء
لاجا الواحد يبي يتروش والماء بارد
يقوم يسوي حركات وننطططه لدرجة ان الفيل لاشافه يتحمس يسوي مثله
لدرجة ان الواحد يحس نفسه رشيق
فما اروعك ايها الشتاء
...................
اكثر اساله ترفع ضغطي بالشتا
: (كم الساعه)
: (الساعه 8العشاء)
: (اوووممماااا احلف)
: (قسم بالله)
: (ياخي بعدنا بدري وراه الكل نام؟؟)
<<: (ياخي قوم انتحر وش لاامك من داعي على اساس ماتعرف انه توقيت شتوي)
كم اقهرني
....................
واخيرا وليس اخرا
دمتم بود
أحدث الصور 
موضوع: البنت الولد سماجة لا تنتهي 
